السودان: أسر تتفاجأ بموقف صادم في سوق بحري

الانتباهة اون لاين موقع اخباري شامل

الخرطوم: منى رضوان
شهد اليوم سوق الملابس أكثر الاسواق بالخرطوم بحري إزدحاماً في الأعياد إغلاقاً تاماً. وحسب مارصدته محررة (الانتباهة أون لاين) هنالك عدد كبير من النسوة والرجال توافدوا إلى سوق بحري وفيهم من أحضر أطفاله معه وانتظروا على أبواب المحلات عسى أن تسمح لهم الشرطة التي كانت متواجدة بعدد كبير داخل السوق بفتح بعض محلات الأطفال للشراء. وقال بعض التجار الذين كانوا يقفون امام محلاتهم المغلقة لـ (الانتباهة أون لاين) أن السلطات وعدتهم بأن يسمحوا لهم غداً السبت (الوقفة) بفتح المحلات لمدة ٤ ساعات من السابعة إلى الحادية عشر صباحاً. وقالوا إنهم في حالة من الاستياء لتكدس بضاعتهم في موسم الشراء.
وحسب المشاهدات فض رجال الشرطة النسوة من داخل السوق وقال أحد رجال الشرطة لبعض النساء: (لو ما خائفات من الكورونا خافوا على الأطفال الجايبنهم معاكم ديل). لترد بعض النسوة: (المرض دا بيد الله ونحن زاتنا مامصدقين كلام وزارة الصحة دا في الأرقام البتقول فيها دي ولازم نفرح الأطفال كفاية امتنعوا من الخروج). وقالت الموظفة رباب الحسن لـ (الانتباهة أون لاين): (الأطفال كان صعب عليهم يتحبسوا في البيت وحتى اللعب في الشارع حرمناهم منه، فمن المستحيل يقدرو يستحملو مانشتري ليهم ملابس العيد حرام ونحن مقدرين خوف وزارة الصحة والآن عاملين بالارشادات لبسنا كمامات وجونتيات والمعقم في شنطتنا عشان نفرح أطفالنا ونقي أنفسنا من هذا المرض). وقالت المواطنة (ت . ي): (في الدول الأخرى الناس بتشتري أون لاين أو بالهاتف لفرحة الأطفال ما ممكن هنا في السودان يطبقو علينا حظر شامل من غير دراسة والأعياد معروفة فرحة للأطفال).

The post السودان: أسر تتفاجأ بموقف صادم في سوق بحري appeared first on الانتباهة أون لاين.