محمد الطيب الأمين: الشيخ محمد مصطفى عبد القادر .. تعال أناقشك!!
- لا أنفي إعجابي بالشيخ محمد مصطفى عبد القادر (شيخ الفتيحاب) وأسلوبه الساخر .
- كما لا أنفي أن إشادة الشيخ الراحل محمد سيد حاج بالشيخ محمد مصطفى عبد القادر هي التي لفتت نظري له .
- الراحل محمد سيد حاج لا يشيد بشخص إلا عندما يقتنع أنه أهل للإشادة.
- وفي النهاية يعتبر الراحل محمد سيد حاج من تلاميذ الشيخ محمد مصطفى .
- شيخ محمد مصطفى عبد القادر أصبح من نجوم المنابر في السودان .
- وله طريقة جاذبة في النقد والنهي عن المنكر .
- يختلف معه كثيرون حول طريقته وعباراته ولكن في النهاية الرجل متمكن وصاحب فهم وحضور .
- يعيب عليه الناس (الغلظة) في النقد وقد دافع هو عن ذلك وأعتبر أن الغلظة هي (رحمة) أيضا .
- كما أن الشيوخ والدعاة مدارس وحتى الصحابة رضوان الله عليهم كان فيهم من هو (رقيق القلب ومن هو عكس ذلك) وكل من أجل حماية الدين .
- للشيخ محمد مصطفى عبارات ولزمات أصبحت حصرية عليه أذكر منها (قوم على حيلك، قوم يا عاطل، تباً لك، العصبجي، عديم الأدب وتعال أناقشك) .
- هذا بخلاف عبارات (والله صحي، وسخ، ابنطلون ناصل).
- وتبقى اللزمة الأشهر عنده هي (تف) .
- (تف) أدخلها الشيخ في محاضراته ولها كثير من المحبين .
- في ناس بتحضر محاضرات شيخ محمد عشان (تف) دي .
- وفي ناس ما بتحبها .
- ولكن في نهاية الأمر نجح الشيخ وبدرجة الامتياز في توصيل رسالته وبأسلوب بسيط وعميق .
- وقد أصبح من نجوم وسائل التواصل الاجتماعي وله كثير جدا من المتابعين .
- وتعال اناقشك .
- المهم.
- الرجاء من القارئ الكريم أن يتم هذا العمود بصوت الشيخ محمد مصطفى عبد القادر .
- اقرأ بصوت الشيخ عشان الموضوع يظبط معاك.
- قالوا ناس المريخ (تحت تحت) دايرين يعملوا ملعبهم نجيل صناعي .
- والله صحي .
- طيب ليه نجيل صناعي ؟
- قالوا لأنو الهلال ما بيعرف يلعب في نجيل صناعي .
- قوم على حيلك (بصوت الشيخ) .
- قوم يا عاطل.
- طيب انتو الهلال بتلعبوا معاهو كم مرة في السنة عشان تغيروا النجيلة؟
- قالوا بنلعب معاهو مرة واحدة بس .
- قوم على حيلك.
- مرة واحدة ؟
- قال أااي .
- مرة واحدة وداير تغيير ليهو النجيل ؟
- أااي .
- تف .
- قوم على حيلك.
- تف .
- تف .
- وتعال أناقشك.
- أي زول يقول ليك الهلال ما بيعرف يلعب في نجيل صناعي اقبضو جيبو لي .
- الهلال سيد بلد أقول ليك .
- أنت بطير من التمهيدي داير تتكلم في سيد البلد .
- وتعال أناقشك.
- المريخ بخاف يلعب في استادو أمام الهلال .
- وكل سنة بحولو مباراتنا معاهم استاد الخرطوم .
- ليه ؟
- عشان الهلال ما بلعب في الصناعي.
- قوم على حيلك .
- قوم يا ابنطلون ناصل.
- قوم وما أظنك تقوم .
- معروف إنو النجيل الصناعي الموجود في السودان بعيق حركة الكرة .
- أي فريق بيلعب كرة قدم ما بقدر يلعب في النجيل الصناعي حقنا ده .
- لأنو عامل زي الظلط.
- وتعال أناقشك.
- لكن المريخ عشان كورتو دفر وعضل الشغلانية ما فارقة معاهو .
- قوم على حيلك .
- بقول ليك كورتو دفر.
- وتعال أناقشك.
- وغايتو جنس غايتو .
- تحية واحتراماً وتقديراً للشيخ محمد مصطفى عبد القادر ونسأل له الإعانة والتوفيق .
- ونركب صافنات ونجيبة (أنصارية) واصلو الزول بيموت والذكرى تفضل حية .
- و..و..
- وقوم يا عاطل.
The post محمد الطيب الأمين: الشيخ محمد مصطفى عبد القادر .. تعال أناقشك!! appeared first on باج نيوز.