شاهد: مواطنون يتعرضون لحوادث (قُطاع طرق) ليلاً بكباري وشوارع الخرطوم

أفاد عدد من المواطنين بتعرضهم لمحاولة نهب بأحد كباري وشوارع الخرطوم، ليل السبت، بحسب ما نقلت (كوش نيوز).

وكتب ( أبوبكر محمد علي) بإحدى قروبات مواقع التواصل السلام عليكم يا جماعة الناس تعمل حسابها من كبرى سوبا بالليل.

البارحة وانا راجع بيهو كنت ماشي ف امان الله فجأة وانا نازل من الكبرى بسرعة القى حاجز عبارة عن لستك شاحنة في منتصف الشارع ربنا ستر، وانعطفت من اللستك، لقيت شماسة طلعوا من تحت الكبرى واحد فيهم رمى حجر في الزجاج الضربة جات ف الكبوت والقزاز والصور بتوريك حجم الحجر قدر شنو المهم بعد الحجر ما وقفتا ليهم لانو ما شايل معاى ولا حتى سكين لو اضطريت تجى بهناك يل ليت تعملوا حسابكم او شيل معاك اى سلاح.

فيما افادت (ناريمان فضل) عن تعرضها لمحاولة نهب مشابهة، ليل السبت في تقاطع شارع الهواء مع الازهري بالخرطوم، 3 رباطه مسلحين واقفين في منتصف الزلط، لمن انا عكست الشارع ومشيت بي المسار التاني.

وشاهد عدد من المارة قبل أيام بشارع الهوا بالخرطوم، وجود حواجز في فترة مبكرة من الصباح أثناء ذهابهم للعمل، بفعل قطاع الطرق الذين استخدموها ليلا.

وناشد المواطنون السلطات الأمنية بتكثيف دورياتها وارتكازاتها ليلاً في هذه الشوارع التي أصبحت مقصداً للمجرمين، خاصة مع تنامي الظاهرة.
الخرطوم (كوش نيوز)