سوداني يسجل اعترافات خطيرة: تعرفت على فتاة في احد شوارع بحري وذهبت معي للشقة وبعد فترة اكتشفت أنها توفيت بالأيدز ونقلت لي المرض
سجل شاب سوداني ينشط في إحدى الصفحات الناشطة والتوعية على موقع التواصل الاجتماعي فيسبوك اعترافات خطيرة, كشف من خلاله تعرضه للإصابة بمرض نقص المناعة (الأيدز).
وقد ذكر الشاب في مطلع اعترافاته أن الغرض من النشر الفضفضة عن النفس قليلاً وتوعية الشباب المتواجدون بكثرة داخل المجموعة الهادفة.
وقال في مطلع حديثه : (انا أخوك في الله عايز افضفض ليكم عن شي مولمني جدا وحابي الناس تدعي لي ربنا يخفف لي من سنتين انا كنت زول بحب السهر وبحب الفارغة والطلعة مع أصدقاء السوء اشتغلت في شركة وادوني عربية ومرتب كويس وصراحة كنت بصرف كل مرتبي في الفارغة والجلسات الشبابية والرحل استمريت في الشغل سته شهور وكنت سايق عربية جديدة).
وواصل حديثه قائلاً: (صراحه كنت جني اغش البنات واخدعهم أني صاحب شغل كبير وعندي محل تلفونات وتاجر كبير وبحب كنت استقل ضعف بعض منهم وأقول ليهم عايز أتزوجكم لي درجه أني مرات بوصل لحدي بيت الضحية واخليها تتعشم واصل معاها لي كل شيء وثم أتجاهلها).
وأضاف بحسب موقع النيلين: (في يوم جيت زي الساعة تسعه مساء بي شارع المؤسسة وأشرت لي وحده كانت جميله شديد وركبت معاي وطوالي اتفقت معاها على مبلغ معين ومشينا علي الشقه المشكله أني استمرت معاها بعد كده وبقت زولتي وتجيني في أي وقت بعد فتره اختفت البت كان عرفتني بي صحبته اتصلت بيها وقالت لي أتوفت وقتها اتصدمت وحبيت اعرف السبب حق الموت اتضح انو البت عندها ايدز من بدري وكبد وبائي الاتنين في واحد طبعا انا لما عرفت اتصدمت جدا ومشيت علي الفحص طوالي وفعلا طلعت مصاب).
وختم حديثه قائلاً: (حاليا لي شهور بدعو ربنا يغفر لي الحصل مني وحياتي الضاعت مني وقلت احكي ليكم الحصل عشان الناس تتعظ وتدعي لي أني أموت بي سلام وارتاح من عذاب الضمير العايشو).
الخرطوم (كوش نيوز)